JESHI la Polisi Kanda ya Dar es Salaam, limesema halina taarifa za kukamatwa kwa mwanafunzi wa mwaka wa tatu wa Chuo Kikuu cha Dar es Salaam (UDSM), Kumbusho Dawson kwa tuhuma za kupiga picha hosteli mpya za chuo hicho (JPM) Block A, zinazoonyesha nyufa katika jengo hilo.
Awali, taarifa za kukamatwa kwa Kumbusho, zilithibitishwa na Waziri Mstaafu wa Mikopo chuoni hapo, Shitindi Venance ambaye alidai alipelekwa kituo Kikuu cha Polisi.
Kamanda wa Polisi Kanda Maalumu ya Dar es Salaam, Lazaro Mambosasa amesema, jeshi lake bado halijapata taarifa kamili kuhusu tukio hilo na endapo watapata taarifa hizo na watazifanyia uchunguzi wa kina na kutatoa taarifa. Wakati huo huo, Wakala wa Majengo Tanzania (TBA), umesema baada ya ukaguzi wa wataalamu wao wamebaini nyufa hizo ni za kawaida katika taaluma ya wabunifu majengo.
Mkurugenzi Mtendaji wa TBA, Elius Mwakalinga amesema kitaaluma majengo mapana huwekewa nafasi ambayo hutenganisha na kuwa sehemu mbili ambapo hali hiyo husaidia kuruhusu jengo kupumua inapotokea hitilafu ya udongo kutanuka na kusinyaa kutokana na hali ya hewa.
“Kutokea kwa nyufa katika jengo letu hili si kwa sababu ya upungufu wa ubunifu ujenzi bali umetokea katika maeneo yaliyokusudiwa na kitaaluma hutokea hivyo, hazina madhara,” amesema Mwakalinga.
Source: Global
BOFYA HAPA KWA KUJIUNGA NASI MOJA KWA MOJA NA LIKE PAGE YETU
HII NI MO DESIGN
Post a Comment
Tafadhali, Usitumie lugha ya matusi! Maoni yako ni ya muhimu sana kwetu.