CCM, LOWASSA NGOMA NZITO... WASHINDWA KUZUNGUMZIA KUHAMA KWAKE...

Edward Lowassa akizungumza wakati wa kuchukua fomu ya kuwania urais.

Mwandishi wetu

NGOMA nzito inaripotiwa kuwepo baina ya Chama Cha Mapinduzi (CCM) na kada wake mkongwe, Edward Lowassa ambaye hivi karibuni alihamia Chadema, baada ya pande hizo mbili kutupiana shutuma, kila mmoja akimponda mwenzake.

Katibu Mkuu Itikadi na Uenezi CCM, Nape NNauye.

Wakati Waziri Mkuu wa zamani Lowassa, ambaye Jumanne iliyopita alitangaza rasmi kuhamia Chadema akisema mchakato wa kumtafuta mgombea urais wa CCM ulijaa chuki na mizengwe dhidi yake, wenzake wamemuita kama mtu mwenye tamaa ya madaraka, asiyepaswa kuaminiwa.

Kuonesha kuwa pande hizo mbili hali ni tete, juzi CCM ilishindwa kuzungumzia suala hilo la kuhama kwake katika mkutano ilioitisha na waandishi wa habari jijini Dar es Salaam, badala yake ikatumia nafasi hiyo kuwashukuru wanahabari na wakazi wa jiji hilo kwa mapokezi mazuri kwa mgombea wao wa nafasi ya urais, Dk. John Pombe Magufuli.

Wajumbe wa Kamati Kuu CCM wakiongozwa na Mwenyekiti wao Dkt. Jakaya Mrisho Kikwete.

Vigogo wa CCM, akiwemo Katibu wa Itikadi na Uenezi Nape Nnauye ambaye analaumiwa kuongoza harakati za kumshambulia Lowassa kabla ya mchakato huo, wamekataa kuzungumzia kuhama kwa kada huyo, lakini katika mitandao mbalimbali ya kijamii, upo mvutano mkubwa miongoni mwa wafuasi wa pande hizo mbili.

Lowassa akionesha fomu ya kugombea urais.

Wakati wafuasi wa CCM wakikebehi hatua hiyo na kumwelezea kama mtu anayeweweseka, mroho wa madaraka na fisadi asiyefaa kupewa nchi, Team Lowassa wanawaelezea wapinzani wao kama wenye wasiwasi wa kushindwa, kutokana na mtu wao kuwa kipenzi cha watu wengi nchini.

Lowassa, alikabidhiwa kadi ya uanachama wa Chadema yeye na mke wake, Regina Jumanne wiki hii, akirejea kauli ya Baba wa Taifa, Mwalimu Nyerere kuwa chama hicho tawala siyo mama

BOFYA HAPA KWA KUJIUNGA NASI MOJA KWA MOJA NA LIKE PAGE YETU

HII NI MO DESIGN