USHER RAYMOND V. YUKO MAUTIUTI KATIKA CHUMBA CHA ICU

Mtoto wa Miaka mitano (5) wa mwanamuziki wa miondoko ya R&B wa nchini Marekani Usher Raymond, aliwahishwa katika chumba cha wagonjwa mautiuti baada ya Kunusurika kufa katika kisima cha kuogelea (sweeming pool) huko nyumbani kwao Georgia Atlanta.
Habari kutoka TMZ zinasema mtoto huyo anayeitwa Usher Raymond V, alikuwa akiogelea na kucheza na shangazi wa Usher aitwaye Rena Oden katika kisima hicho kilichopo nyumbani kwao, mara mtoto huyo akaona toy ( mwanasesele) lilichokuwa limenasa kwenye tundu la kupitishia maji.

Habari zaidi zinasema kuwa baada ya kuona hilo toy (mwanasesele), mtoto Usher Raymond V alizamia na kulifuata lile toy, alipojaribu kulishika mkono wake ukazama katika lile tundu la kupitishia maji na akashindwa kujinasua.
Shangazi wa Usher alipoona kuwa mtoto huyo ameshindwa kujinasuwa naye alizamia na kujaribu kumnasua lakini ikashindikana, akapata msaada pia kutoka kwa mfanyakazi wa ndani (yaya) lakini pia naye akashindwa kumnasua mtoto kwenye lile tundu. msichana huyo alipoona hali ya mtoto inakuwa mbaya, alianza kupiga kelele za kuomba msaada.

Habari zinazidi kusomeka kuwa baada ya kusikia kelele, wanaume wawili waliokuwa wanafanya kazi hapo nyumbani walisikia hizo kelele ndipo walipozifuata na kukutana na tukio hilo, bila ya kungoja walijitoma ndani ya kisima hicho na kufanikiwa kumnasua mtoto huyo ambaye hali yake ilikuwa mbaya sana.
walimpa huduma ya kwanza wakati namba 911 (emergency call) ikiwa tayaari imeshapigwa, na ndipo gari la wagonjwa lilipofika na mtoto huyo akapakiwa kwa ajili ya kukimbizwa Hospitali.
wakati huduma ya kwanza inatolewa na namba 911 kupigwa, pia alipigiwa baba wa mtoto ambaye ni Usher Raymond ambaye pia haikumchukuwa muda kuwahi kufika nyumbani baada ya kupata habari hizo, alikuta tayari mtoto amepakiwa kwenye gari na yeye akajitoma humo na safari ya Hospitali ikaanza ambapo alifikishiwa moja kwa moja katika chumba cha wagonjwa mautiuti.
Mama wa mtoto pia ambaye ni mtalaka wa Usher Raymond ajulikanaye kwa jina la Tameka alizisikia habari hizo,  alikimbilia pia hospitali huku akiwa hoi kwa kilio cha hofu ya kumpoteza mwanaye Mwingine, ukizingatia kuwa ni kama mwaka tu umepita toka alipompoteza mtoto wake mwingine mwenye umri wa miaka 11aitwaye Kile Glover. huyu alikuwa ni mtoto mbaye Usher alikuwa akimpenda sana japo hakuwa mtoto wake wa kumzaa.

BOFYA HAPA KWA KUJIUNGA NASI MOJA KWA MOJA NA LIKE PAGE YETU

HII NI MO DESIGN